La vida en la aldea (fragmento) -en bable-Xosé Caveda y Nava

La vida en la aldea (fragmento) -en bable-

"Calce zapatos, xinte con manteles
Cómia en vez de boroña pan de escanda,
Asiéntese en escaños no en tayueles
El Señorón que na ciudá nos manda,
Y en sos tierres, so casa y sos llebreles
Fuélguese en paz y d' una al otra banda,
Mande conceyos, faga munchu ruidu,
Si para tantu arrullu fó escoidu.
Y non dórmia, y rodiadu de Señores
Ande de romería en romería
Perdidu entre comides y entre amores;
Y cuando el Rey lu llame y tiémpu sia
D 'obedecer el son de los tambores,
Vaya armadu á la guerra, y llarga vía
Tope en ella á la fama y la riqueza
Y vólvia llevantada la cabeza.
Que yo entre los miós fíos sosegadu
Si la lleche y boroña non me falta,
Y tengo al llar el pucherín tresnadu,
Y la manada pe los campos salta
Alegre y farta, y pad el mió ganadu
Les yerbes de San Xuan, ciertu más alta
Fortuna non pretendo, nin quixera
Q' otra suerte meyor la mía fuera.
¿ Y pa qué desear seda llabrada,
Escudielles de plata, muncha xente
Que me faga al pasar la bonetada,
Y mandar el llugar y ser Rexente
Y Capitán á guerra, y la rodiada
De mió solo falar tener pendiente. "



El Poder de la Palabra
epdlp.com