El Cancionero (fragmento)Juan Alfonso de Baena
El Cancionero (fragmento)

" Por ende, sy por ventura
La Lectura
Por estudio afundado
De la gracia é natura
Con ardura,
Non fue por vos onrrado,
Escudero de mesura
Syn rrencura,
Ca non decir lo contado,
Non veredes su dulçura
É derechura
De testo tan avisado.

Lo que dixo Manicheo
Yo vien veo
Que non ovistes tratado,
Nin traedes tal meneo
Al torneo
Do justan en el mercado:
Tal fablar es arrodeo,
Segund creo,
Non seyendo dotrinado;
Quien anda como Ponpeo,
Faryseo
Es en su loor judgado.

Grande es é vien oscura
La soltura
De manos el rreprovado,
É commo syn letradura
Syn fondura
Entendieredes farpado,
Ca latyn en su natura
Syn rrotura
Non diredes preguntado.
É desides en rres pura
Syn pavura
Que leystes su deytado. "



El Poder de la Palabra
epdlp.com